Məhkum edilmiş vəkilin işi geri qaytarılıb
Bakı Apellyasiya Məhkəməsində həbsdə olan vəkil Mənsum Bayramovun şikayətinə baxılıb.
“Report”un məlumatına görə, hakim Mirzəli Abbasovun sədrliyi ilə keçirilən prosesdə işin birinci instansiya məhkəməsinə qaytarılması barədə qərar çıxarılıb. Qərara əsasən, işə yenidən Bakı Ağır Cinayətlər Məhkəməsində baxılmalıdır.
Mənsum Bayramov uzun illər AXCP Ali Məclisi Rəyasət Heyətinin üzvü olub. 51 yaşlı Mənsum Bayramov Bakı Dövlət Universitetinin məzunudur. 2007-ci ildən məhkum edilən vaxtadək Vəkillər Kollegiyasının üzvü olub. 2015-ci ilin noyabr ayının 12-də Bakı Ağır Cinayətlər Məhkəməsinin hökmü ilə 8 il 6 ay müddətinə azadlıqdan məhrum edilib. Hökmdən narazı qalan M.Bayramov apellyasiya şikayəti ilə Bakı Apellyasiya Məhkəməsinə müraciət edib.
