Ermənistana pul axını bir ildə 30 faiz azalıb
2015-ci ildə Rusiyadan Ermənistana şəxsi köçürmələr 36 faiz azalıb. Transparency.az xəbər verir ki, Ermənistanın Mərkəzi Bankı fevralın 1-də belə hesabat yayıb.
İl ərzində köçürmələrin 518,29 milyon dollar azalaraq 915,9 milyon dollar olduğu bildirilir. Əvəzində Ermənistandan Rusiyaya pul vəsaiti axını 0,6 faiz artaraq 204,57 milyon dollara çatıb.
Ermənistan Mərkəzi Bankının hesabatına görə, ölkəyə Rusiyadan göndərilən pulların həcmi ikinci ildir azalır. 2014-cü ildə 10,7 faiz azalma qeydə alınıb.
Bütövlükdə Ermənistana pul köçürmələri 2015-ci ildə 30 faiz və ya 520 milyon dollar azalıb. Ölkəyə bir ildə axan 1 milyard 728,5 milyon dolların 75,8 faizi Rusiyadan göndərilən pulun payına düşür.
Поделиться “Ermənistana pul axını bir ildə 30 faiz azalıb”
