Sərnişin az oldu, uçuş təxirə salındı
“Azərbaycan Hava Yolları” QSC (AZAL) Bakı-Aktau reysini təxirə salıb. Qurumun mətbuat xidmətinin rəhbəri Paşa Kəsəmənskinin sözlərinə görə, aviareys sərnişinlərin az olması səbəbindən təxirə salınıb.
Uçuş yerli vaxtla yanvarın 27-də saat 21:00-da olmalı idi. Biletləri əvvəlcədən alan sərnişinlərə AZAL tərəfindən alternativ təkliflər edilib.
AZƏRTAC-ın məlumatına görə, Paşa Kəsəmənski qeyd edib ki, hava şəraiti ilə əlaqədar uçuşların qrafikində heç bir dəyişiklik olunmayıb və aviareyslərin təxirə salınması gözlənilmir.
