İstanbul prokurorluğu jurnalistlərə ömürlük həbs cəzası istədi
Yanvarın 27-də Türkiyənin İstanbul şəhərinin prokurorluğu “Cümhuriyyət” qəzetinin baş redaktoru Can Dündara və qəzetin Ankara bürosunun rəhbəri Ərdəm Gülə ömürlük həbs cəzası istəyib.
Novator.az xəbər verir ki, Can Dündar və Ərdəm Gül casusluqda, terror qruplaşmalarına dəstək verməkdə, dövlət sirrini yaymaqda, dövlət adamlarına öz vəzifələrini icra edərkən mane olmaqda ittiham olunurlar.
Türkiyə xüsusi xidmət orqanlarının Suriyada döyüşən, özünü cihadçı adlandıran qruplara gizli yolla silah ötürməsi barədə jurnalist araşdırması aparmış Can Dündar və Ərdəm Gülə casusluq ittihamı 2015-ci ilin noyabrında irəli sürülüb.
“Cümhuriyyət” qəzeti Türkiyənin hazırkı hakimiyyətinə müxalif KİV sayılır.
