Rusiyada inanclı hərbçilərin sayı artıb
Rusiya Silahlı Qüvvələrində inanclı hərbçilərin sayı artıb. Novator.az xəbər verir ki, Silahlı Qüvvələrin Tərbiyə İşləri Baş İdarəsinin rəsmisi Aleksandr Surovtsev yanvarın 26-da bununla bağlı rəqəmlər açıqlayıb.
O deyib ki, 2001-ci ildən bəri Rusiyada inanclı hərbçilərin sayı iki dəfə artıb. Əgər 2001-ci ildə “Özünüzü inanclı hesab edirsinizmi” sualına hərbçilərin 37%-i müsbət cavab verirdisə, 2015-ci ildə bu sualı müsbət cavablandıran hərbçilər 76% təşkil edib.
Aleksandr Surovtsev hərbçilərin 88%-nin xristian-pravoslav, 9%-nin isə islam dininə etiqad etdiyini söyləyib.
