Prezident iqtisadi islahatlar üzrə köməkçi təyin etdi
Yanvarın 25-də prezident İlham Əliyev Natiq Ərziman oğlu Əmirovun prezidentin iqtisadi islahatlar üzrə köməkçisi təyin edilməsi haqda sərəncam imzalayıb.
Natiq Əmirov 1967-ci ildə Şabran rayonunda anadan olub. 1990-cı ildə Sankt-Peterburq Maliyyə-İqtisad İnstitutunu (iqtisadçı), 1998-ci ildə Təfəkkür Universitetini (hüquqşünas) bitirib.
Sumqayıt Şəhər Maliyyə Şöbəsində böyük büdcə iqtisadçısı, Sumqayıt Şəhər Dövlət Vergi Müfəttişliyində böyük dövlət vergi müfəttişi, şöbə rəisi, rəis müavini, Səbail Rayon Vergilər İdarəsinin rəis müavini postlarını tutub.
Vergilər Nazirliyində departament rəisinin müavini, idarə rəisi olub. 2005-ci ildə vergilər nazirinin müavini, 2009-cu ildə vergilər nazirinin birinci müavini vəzifəsinə təyin edilib.
3-cü dərəcəli dövlət vergi xidməti müşaviridir.
Ailəlidir. 3 övladı var.
