Futbolçu 10 il həbs cəzası aldı
SSRİ dövründə Rusiyanın “Zenit” futbol komandasında oynamış Vladimir Dolqopolov 10 il müddətinə azadlıqdan məhrum edilib.
Novator.az xəbər verir ki, qərar yanvarın 21-də Sankt-Peterburq şəhərinin Frunze Rayon Məhkəməsində çıxarılıb. Dolqopolov arvadının ölümündə təqsirli bilinir.
Hadisə 2014-cü ilin sentyabrın 18-də futbolçunun evində baş verib. İttihama görə, Dolqopolov məişət zəminində arvadını qəddarlıqla döyərək öldürüb. Hadisədən 4 gün sonra o, tutulub.
Dolqopolov 1984-cü ildə SSRİ çempionu olmuş “Zenit” komandasının müdafiəçi olub. Həbs edilən ərəfədə isə o, “Zenit” klubunun veteranları ilə iş üzrə meneceri vəzifəsində çalışıb.
