Moskva nəqliyyatında efir sakitliyi
2016-cı ildə Rusiya paytaxtı Moskvada yeni model marşrutlarda efir sakitliyi rejimi tətbiq ediləcək. Novator.az xəbər verir ki, “Avtokarz” nəqliyyat şirkətinin baş direktoru Vasili Fominıx belə deyib.
Fominıx bildirib ki, marşrutların salonlarında yalnız ən vacib məlumatlar: dayanacaqların adı, sərnişinlərə çıxışda diqqətli olmaları kimi informasiyalar çatdırılacaq. Musiqi səsləndirmək və ya radioqəbuledicini işə salmaq qadağan olunacaq, çünki bunlar sürücülərin diqqətini yayındırır, sərnişinlərə də mane olur.
Yerüstü şəhər nəqliyyatında islahatlar çərçivəsində marşrut taksilərdə reklamlara da məhdudiyyət qoyulur.
Moskvada iri və orta tutumlu ictimai nəqliyyatda onsuz da musiqi səsləndirilmədiyindən və radio işlədilmədiyindən sözügedən qadağalar yalnız az tutumlu nəqliyyat vasitələrinə – marşrut taksilərinə qoyulur.
