Bədən Tərbiyəsi və İdman Akademiyasında yeni rektor
Azərbaycan Dövlət Bədən Tərbiyəsi və İdman Akademiyasına yeni rektor təyin edilib. Prezident İlham Əliyevin 23 dekabr sərəncamı ilə bu post Fuad Hacı oğlu Hacıyevə həvalə olunub. O, Gənclər və İdman Nazirliyi Aparatının rəhbəri vəzifəsində çalışırdı.
Bədən Tərbiyəsi və İdman Akademiyasının əvvəlki rektoru Ağacan Abıyev Milli Məclisin deputatı seçildiyinə görə prezident İlham Əliyevin 24 noyabr sərəncamı ilə vəzifəsindən azad edilib.
