Jurnalist Rasim Əliyevin döyüldüyü anın görüntüsü
AnnTV.az saytı jurnalist Rasim Əliyevin döyüldüyü anın video görüntüsünü yayıb.
Rasim Əliyevi 2015-ci il avqustun 8-də bir qrup şəxs döyüb, jurnalist bir gün sonra xəstəxanada vəfat edib. Hadisə ilə bağlı “Qəbələ” klubunun futbolçusu və kapitanı Cavid Hüseynov, onun bibisi oğlu və daha 4 nəfər həbs olunub. Cavid Hüseyinov əsasən ağır cinayətin hazırlanmasını bilmək və bu barədə xəbər verməməkdə ittiham olunur. Faktla bağlı istintaq artıq yekunlaşıb və bundan sonra iş materialları ilə tanış olma mərhələsi başlanıb.
Zərərçəkən tərəfin vəkili Əsabəli Mustafayev deyir ki, qanunvericiliyə görə, iş materialları ilə öncə təqsirləndirilən şəxslər və onların vəkilləri tanış olmalıdırlar. Sonra isə növbə onlara çatmalıdır. Vəkil hesab edir ki, cinayət işi məhkəməyə 2016-cı il yanvarın sonunda göndərilə bilər.
