Səudiyyə Ərəbistanında 20 qadın bələdiyyə üzvü seçilib
Dekabrın 12-də Səudiyyə Ərəbistanında yerli özünüidarəetmə orqanlarına keçirilən seçkidə 20 qadın seçilib. Novator.az xəbər verir ki, dekabrın 14-də açıqlanan nəticələrə görə, seçkiyə qatılan 7 min namizəddən 979 nəfəri qadın olub. Qadınlar bələdiyyədəki yerlərin yalnız 1%-ni qazansalar da, faktın özü Səudiyyə Ərəbistanı üçün böyük irəliləyiş hesab olunur.
Qadınlar seçki kampaniyası dövründə ölkədə körpələr evinin sayının artırılmasına, gənclər üçün ictimai mərkəzlərin – idman və mədəniyyət-təhsil ocaqlarının yaradılmasına çalışacaqları haqda vədlər veriblər.
Səudiyyə Ərəbistanında qadınların bələdiyyələrə namizəd irəli sürülməsinə 2011-ci ildə, kral Abdulla ibn Əbdül Əzizin hakimiyyəti vaxtı icazə verilib. Kral Abdulla ibn Əbdül Əziz 2015-ci ilin yanvarında vəfat edib. Hazırda Səudiyyə Ərəbistanının kralı Salman bin Əbdüləzizdir.
