Qanunsuz yolla kapital çıxarılması: Azərbaycan 149 ölkə arasında 17-cidir
ABŞ-ın Global Financial İntegrity tədqiqat təşkilatı ölkələrdən qanunsuz yolla kapital çıxarılmasına dair illik hesabat yayıb. Transparency.az-ın məlumatına görə, 2004-2013-cü illəri əhatə edən hesabata 149 ölkənin adı salınıb.
Hesabatda qeyd olunur ki, qanunsuz yolla kapitalın ən çox çıxarıldığı ölkə Çindir. Bu ölkədən ildə orta hesabla 139,2 milyard dollar çıxarılır. İkinci yerdə 104,9 milyard dollarla Rusiya gəlir.
Kapitalın qanunsuz yolla çıxarıldığı lider ölkələr siyahısında Meksika (52,8 milyard dollar), Hindistan (51 milyard dollar) və Malayziya da (41,8 milyard dollar) var.
Global Financial İntegrity təşkilatının hesablamalarına əsasən, inkişaf etməkdə olan ölkələr qanunsuz kapital axınından ildə 1 trilyon dollara yaxın vəsait itirir.
Azərbaycan ildə 9,5 milyard dollarla kapitalın qanunsuz çıxarıldığı ölkələr siyahısında 17-cidir.
