Rusiya Federasiya Şurası 2016-cı ilin büdcəsini qəbul etdi
Novator.az xəbər verir ki, dekabrın 9-da Rusiya Federasiya Şurası 2016-cı ilin büdcə layihəsini qəbul edib.
Büdcə layihəsini Rusiya Dövlət Duması dekabrın 2-də ikinci oxunuşda qəbul etmişdi.
Layihədə dövlət büdcəsinin gəlirləri 13,738 (207,340 milyard dollar) trilyon rubl, xərcləri 16,098 trilyon rubl göstərilir. Ümumi daxili məhsulun 3 faizi həcmində və ya 2,36 trilyon rubl büdcə kəsiri nəzərdə tutulur.
Büdcə tərtib olunarkən neftin bir barreli 50 dollardan götürülüb, inflyasiya həddi 6,4 faiz hesablanıb.
Xarici borcun maksimal həddi 55,1 milyard dollar proqnozlaşdırılır.
