Prezident İlham Əliyev Naxçıvana gedib
Dekabrın 1-də prezident İlham Əliyev Naxçıvan Muxtar Respublikasına səfərə gedib. Naxçıvan Beynəlxalq Hava Limanında dövlət başçısını Naxçıvan Muxtar Respublikası Ali Məclisinin sədri Vasif Talıbov qarşılayıb. Prezident Naxçıvan Muxtar Respublikası hökumətinin üzvləri ilə görüşüb.
AZƏRTAC xəbər verir ki, İlham Əliyev öncə Naxçıvan Beynəlxalq Hava Limanının Şərq terminalının yenidənqurmadan sonrakı vəziyyəti ilə tanış olub. Vasif Talıbov dövlət başçısına terminalın texniki göstəriciləri barədə məlumat verib. O bildirib ki, yeniliklər hava limanının sərnişin dövriyyəsini 2 dəfədən çox artıraraq saatda 150-200 nəfərdən 400-450 nəfərə çatdırılmasına imkan verəcək.
