Düşmənin təxribatı: bir əsgərimiz yaralanıb
Cəbhə xəttində düşmənin təxribatı nəticəsində bir hərbi qulluqçumuz yaralanıb. Məlumatı Müdafiə Nazirliyinin mətbuat xidməti yayıb.
Məlumatda deyilir ki, Azərbaycan Silahlı Qüvvələrinin müddətdən artıq həqiqi hərbi xidmət keçən hərbi qulluqçusu, əsgər Nəsibov Bəhruz Sahib oğlu sol qolundan yüngül yaralanıb.
İlkin tibbi yardım göstəriləndən sonra yaralı əsgər tibb müəssisəsinə təxliyə edilib. Onun sağlamlığına heç bir təhlükə yoxdur və yaralı əsgər həkimlərin nəzarəti altındadır.
Müdafiə Nazirliyi bildirir ki, ordumuz bütün cəbhə boyu əməliyyat şəraitinə tam nəzarət edir və düşmənin istənilən hərəkətinin qarşısını qətiyyətlə almağa hazırdır.
