Prezident Administrasiyasının sabiq rəhbəri 3 il həbs cəzası aldı
Qırğızıstan Prezidenti Administrasiyasının sabiq rəhbəri Daniyar Narımbayevə 3 il müddətinə həbs cəzası kəsilib. Novator.az xəbər verir ki, Narımbayev dələduzluqda təqsirli bilinib. Hökmə əsasən, Narımbayevin əmlakı müsadirə olunacaq.
Narımbayev bu il iyulun 20-də vəzifəsindən istefa verib, iyulun 24-də həbs edilib. O, paytaxt Bişkekin sabiq meri, məhbus Nəriman Tüleyevin qohumlarından rüşvət qoparmaqda ittiham olunub. Narımbayev Ali Məhkəmədə işinə baxılan Tüleyevin cəzasının yüngülləşdiriləcəyini vəd edibmiş.
