İlham Əliyev 7 diplomatı geri çağırıb (Siyahı)
Prezident İlham Əliyev noyabrın 25-də sərəncamlar imzalayaraq Azərbaycanın xarici ölkələrdəki bir qrup diplomatını geri çağırıb. Transparency.az geri çağırılan şəxslərin siyahısını təqdim edir:
Həsən Zeynalov — Türkiyə Respublikasının İstanbul şəhərində Azərbaycanın baş konsulu və Azərbaycanın Qara Dəniz İqtisadi Əməkdaşlıq Təşkilatı yanında daimi nümayəndəsi;
Murad Nəcəfbəyli — Azərbaycanın BMT-nin Cenevrə şəhərindəki bölməsində və digər beynəlxalq təşkilatlar yanında daimi nümayəndəsi;
Məmməd Əhmədzadə — Azərbaycanın Argentina Respublikasında və eyni zamanda Paraqvay Respublikasında, Boliviya Çoxmillətli Dövlətində, Çili Respublikasında, Uruqvay Şərq Respublikasında fövqəladə və səlahiyyətli səfiri;
Tofiq Zülfüqarov — Azərbaycanın Estoniya Respublikasında fövqəladə və səlahiyyətli səfiri;
Vəhdət Sultan-zadə — Azərbaycanın Türkmənistanda və eyni zamanda Əfqanıstan İslam Respublikasında fövqəladə və səlahiyyətli səfiri;
Zakir Həşimov — Azərbaycanın Qazaxıstan Respublikasında fövqəladə və səlahiyyətli səfiri;
Rəşad Məmmədov — Qazaxıstan Respublikasının Aktau şəhərində Azərbaycanın baş konsulu.
