Rabitə və yüksək texnologiyalar nazirinin birinci müavini təyin olundu
Rabitə və yüksək texnologiyalar nazirinin birinci müavini təyin olunub.
Trend-in məlumatına görə, prezident İlham Əliyevin sərəncamı ilə rabitə və yüksək texnologiyalar nazirinin birinci müavini təyin olunan Ramin Quluzadə bu gün nazirliyin kollektivinə təqdim edilib.
Ramin Quluzadə Heydər Əliyev Fondunda İşlər Departmentinin direktoru vəzifəsində çalışıb. 2004-cü ildən Heydər Əliyev Fondunda fəaliyyət göstərən Ramin Quluzadə bu qurumun təşkilati işlərində, ölkədə və xaricdə sosial, humanitar layihələrin həyata keçirilməsində iştirak edib.
Ramin Quluzadə Azərbaycan prezidentinin 2014-cü ildə imzaladığı sərəncama əsasən Heydər Əliyev irsinin qorunması və təbliğində səmərəli fəaliyyətinə görə “Tərəqqi” medalı ilə təltif edilib.
1977-ci ildə Bakı şəhərində anadan olub. 1999-cu ildə Azərbaycan Dövlət İqtisad Universitetini magistr dərəcəsi ilə bitirib. Ailəlidir, 2 övladı var.
