Türkiyə Rusiyanın təyyarəsini vurub
Rusiyanın Müdafiə Nazirliyi noyabrın 24-də Suriya ərazisində Su-24 hərbi təyyarəsinin düşürüldüyü haqda açıqlama yayıb. Novator.az xəbər verir ki, qırıcının yerdən raketlə vurulduğu bildirilir. Pilotların taleyindən dəqiq xəbər yoxdur.
Rusiyanın Müdafiə Nazirliyi bəyan edir ki, təyyarə 6 min metr yüksəklikdə uçub, Suriya səmasında olub. Ancaq Türkiyə mənbələri Su-42-ün türk sərhədini pozduğu üçün vurulduğunu qeyd edir. Türkiyə bəyan edir ki, Su-24-ə Türkiyə Hava Qüvvələrinə məxsus F-16-dan atəş açılıb, qırıcı Suriya sərhədi yaxınlığında düşüb.
Türkiyə mənbələri onu da bildirir ki, qırıcının hər iki pilotu paraşütlə enməyə imkan tapıb, onlardan biri yerli türkmən qüvvələrin əlinə keçib.
