Britaniya əhli Avropa İttifaqından üz döndərir?
Parisdə 130 nəfərin ölümünə gətirən 13 noyabr terrorundan sonra Böyük Britaniya əhlinin 52%-i ölkənin Avropa İttifaqından çıxmasını istəyir. Novator.az bildirir ki, “İndependent” qəzeti apardığı sorğunun nəticələrinə əsaslanaraq belə məlumat yayıb.
Məlumatda qeyd olunur ki, iyun, iyul və sentyabr aylarında aparılan analoji sorğularda britaniyalıların əksəri ölkənin Avropa İttifaqında qalmasını dəstəkləyib. Oktyabr ayında isə miqrasiya böhranı problemi dərinləşib və Avropa İttifaqı tərəfdarlarının sayı 53%-ə düşüb.
Məqalə müəllifləri vurğulayır ki, noyabr araşdırmaları nəsillərin Avropa İttifaqına yanaşmasında böyük fərqin olduğunu ortaya çıxarıb. 18-24 yaşlı britaniyalıların 69 faizi, yaşı 65-dən yuxarı olan sakinlərin isə 38% faizi Avropa İttifaqında qalmağın tərəfdarıdır.
Tədqiqat onu da göstərib ki, Avropa İttifaqını Britaniyada ən çox Şotlandiya və Uels əhli dəstəkləyir.
1957-ci ildə əsası qoyulmuş Avropa İttifaqına Böyük Britaniya 1973-cü ildə daxil olub. Hazırda Avropa İttifaqının 28 üzvü var.
