“WiFi” vasitəsilə enerji ötürən qurğu yaradılıb
Vaşinqton Universitetinin mühəndisləri “WiFi” vasitəsilə, yəni hava ilə elektrik enerjisi ötürən texnologiya hazırlayıblar.
Novator.az-ın məlumatına görə, yeni texnologiya “PoWiFi” adlanır. Onu hazırlayan müəlliflərdən biri Vamsi Tella deyib ki, “PoWiFi” müəyyən qurğuları kənardan, heç bir naqil qoşmadan elektrik enerjisi ilə təmin etməyə imkan verir.
Hələ ki, “PoWiFi” texnologiyası cüzi enerji tələb edən qurğuları (abstrakt “sensorlar”, fitnes qolbaqlar, trekerlər və veb-kameralar) qidalandıra bilir, smartfon və ya noutbuku enerji ilə təchiz etməyə gücü çatmır.
Yeni texnologiyanın dekabr ayında Almaniyada keçiriləcək “CoNEXT 2015” konfransında təqdim olunması planlaşdırılır.
