Rusiya müdafiə nazirinin birinci müavini işdən çıxarıldı
Noyabrın 17-də Rusiya prezidenti Vladimir Putin müdafiə nazirinin birinci müavini ordu generalı Arkadi Baxini vəzifəsindən azad edib.
Novator.az xəbər verir ki, Rusiya prezidenti Baxini həm də hərbi xidmətdən uzaqlaşdırıb.
Baxin müdafiə nazirinin birinci müavini postunu 2012-ci ilin noyabrından, Sergey Şoyqu müdafiə naziri təyin olunandan tuturdu. Bu vəzifəyə qədər Baxin Qərb Hərbi Dairəsinə rəhbərlik etmişdi.
Avropa İttifaqının sanksiyasına məruz qalan, 2015-ci ilin fevralında tərtib olunmuş şəxslərin siyahısında Arkadi Baxinin də adı var.
