Təhsil Nazirliyi qrant müsabiqəsi elan edib
Təhsil Nazirliyi qeyri-hökumət təşkilatları arasında iki istiqamət üzrə qrant müsabiqəsi elan edib:
– Tələbələr arasında könüllülüyün təbliği və tələbə-könüllülər hərəkatının təşkili;
– Beynəlxalq təhsil modelləri əsasında orta ümumtəhsil məktəblərində qeyri-formal təhsilin təşkili.
Edu.gov.az-ın məlumatına görə, layihə təklifləri noyabrın 19-dək nazirliyə çap və ya elektron poçt ([email protected]) vasitəsilə təqdim olunmalıdır. QHT-lərdən layihə və büdcə ilə birlikdə dövlət qeydiyyatı haqqında şəhadətnaməsinin surəti, nizamnamənin surəti, dövlət reyestrindən çıxarışın surəti, VÖEN-in surəti, təşkilat haqqında məlumat, layihəyə rəhbərlik edəcək şəxsin və əsas əməkdaşların tərcümeyi-halı tələb olunur.
