Mülki təyyarələr peykdən izlənəcək
Beynəlxalq Telekommunikasiya İttifaqı mülki təyyarələrin peyk vasitəsilə izlənməsi üçün tezlik diapazonu ayrılması barədə qərar qəbul edib.
Novator.az xəbər verir ki, mülki təyyarələrin peyk vasitəsilə müşahidəsinə 1087,7-1092,3 meqahers diapazon ayrılacaq. Bu tezlikdə hava gəmisinin yerini real vaxt ərzində izləməyə imkan verən “ADS-B” siqnalı ötürüləcək. Mülki reyslərin okeanlar, Yerin qütbləri üzərində monitorinqinə daha çox diqqət yetiriləcək.
Monitorinq sistemlərinin 2016-cı ilin noyabrına qədər quraşdırılması planlaşdırılır. Təyyarə koordinatları ilə bağlı 15 dəqiqədən bir, ekstremal şəraitdə isə daha tez-tez xəbər ötürüləcək.
