“Twitter” vasitəsilə səhmdarlar qarət olunub
ABŞ-ın Qiymətli Kağızlar və Birjalar üzrə Komissiyası saxta “tvit”lərin köməyilə iki şirkətin səhmlərini iflasa uğradan qiymətli kağız alverçisini məhkəməyə verib.
Novator.az xəbər verir ki, Alan Kreyq adlı fırıldaqçı “Twitter” şəbəkəsində “Muddy Waters Research” və “Citron Research” nəhəng analitik agentliklərinin saxta hesablarını yaradaraq onların adından “Audience” və “Sarepta Therapeutics” ictimai şirkətləri haqda yalan məlumatlar yerləşdirib. Kreyq həmin şirkətlərə qarşı istintaqın başlandığı haqda da yalan məlumat yayıb.
Nəticədə həmin şirkətlərin səhmləri dəyərdən düşüb və səhmdarlar bazarda əhəmiyyətli dərəcədə maliyyə itkisi ilə üzləşiblər. Amma fırıldaqçı bu qiymətli kağızların alğı-satqısından qazanc əldə edə bilməyib.
