Nazir kabinetində rüşvət alarkən tutulub
Monqolustanda anti-korrupsiya xidmətinin əməkdaşları ölkənin idman və səhiyyə naziri Qanhuyaqiyn Şiyleqdambanı həbs edib.
AZƏRTAC TASS informasiya agentliyinə istinadla xəbər verir ki, 40 yaşlı nazir kabinetində iri məbləğdə – 500 milyon tuqrik (250 min dollar) rüşvət alarkən tutulub.
Nazirlə yanaşı, onun köməkçisinin və şəxsi sürücüsünün də həbs olunduğu bildirilir.
Q.Şiyleqdamba 2000-2004-cü illərdə Monqolustanın turizm və nəqliyyat nazirinin müavini, 2007-2008-ci illərdə isə təbiət və ətraf mühit naziri vəzifəsində işləyib. O, həmçinin Monqolustanın Xalq-İnqilabi Partiyasının baş katibidir.
