Azərbaycanla Qazaxıstanın müdafiə nazirləri əməkdaşlıq planı imzaladı
Qazaxıstanda rəsmi səfərdə olan müdafiə naziri Zakir Həsənov noyabrın 4-də həmkarı İmanqali Tasmaqambetovla görüşüb. Nümayəndə heyətlərinin geniş tərkibdə keçirilən görüşündə vurğulanıb ki, indi diqqəti Azərbaycanın və Qazaxıstanın Hərbi Dəniz Qüvvələri arasında praktiki əlaqələrin qurulmasına yönəltmək vacibdir. “Həmin istiqamət Xəzər dənizində qonşuluq münasibətlərinin və təhlükəsizliyin möhkəmlənməsinə kömək edər. Bu, Xəzəryanı dövlətlərin rəhbərlərinin yüksək səviyyəli görüşlərdə əldə etdikləri razılığa da uyğundur” — Qazaxıstanın müdafiə naziri belə deyib.
Azərbaycanın müdafiə naziri Silahlı Qüvvələrin birgə təlimlərə hazır olduğunu qeyd edib.
Görüşdə hərbi sahədə əməkdaşlığın inkişafı, təcrübə mübadiləsi və kadr hazırlığına diqqət yetirilib. Yekunda 2016-cı il üçün əməkdaşlıq planı imzalanıb.
Xəbəri Mod.gov.az yayıb.
