“Twitter”dən hər ay 320 milyon adam istifadə edir
“Twitter” mikrobloqlar şəbəkəsindən hər ay 320 milyon adam istifadə edir. Novator.az xəbər verir ki, şirkət rəhbərliyi bunu maliyyə ilinin son rübü ilə bağlı açıqladığı statistikada göstərib.
ABŞ-da hər maliyyə ilinin başlanıcı oktyabrın 1-dən götürülür.
Statistikaya görə, son 12 ayda “Twitter”in gəliri 569 milyon dollara çatıb. Yəni ötən maliyyə iliylə müqayisədə (361 milyon dollar) şirkətin gəliri 58% artıb.
Amma bu artım investorları qane etməyib, çünki son rübdə “Twitter”in auditoriyası yalnız 1,2% artıb.
“Twitter”in icarçı direktoru Cek Dörsi bildirib ki, şəbəkəyə yeni istifadəçiləri cəlb etmək üçün şirkət yaxın aylarda geniş reklam kampaniyası keçirəcək.
