Tanışlıq saytını sındırdılar: 20 milyon hesab ələ keçib
Naməlum haker dünyada məşhur olan tanışlıq saytlarından birini sındırıb, yəni saytın məlumat bazasına daxil olub və 20 milyon hesabın parolunu satmaq qərarına gəlib.
Novator.az xəbər verir ki, hakerin sındırdığı 20 milyon hesabın yarısından çoxu Rusiyanın, qalanı (təxminən 40 faizi) Avropa İttifaqı ölkələrinin istifadəçilərinə məxsusdur.
Məlumatlarda hakerin hansı saytı sındırdığı açıqlanmır. Hakerin özünü “Ruhlandıran” ləqəbi ilə təqdim etdiyi bildirilir. O, istifadəçilərə parollarını qeydiyyat sistemindən satın almağı təklif edib.
Hakerin hücumuna məruz qalan istifadəçilərin elektron poçt ünvanları ümumilikdə 345 min domendən keçir. Həmin istifadəçilərin 7 milyonu “Hotmail.com”, 2 milyon 500 min nəfəri “Yahoo.com”, 2 milyon 300 min nəfəri “Gmail.com” sisteminin xidmətindən yararlanıb.
