Küveyt gəlirinin 60%-ni itirdi
Dünya bazarında neftin qiyməti düşdüyünə görə Küveytin dövlət büdcəsinə daxilolmalar 60% azalıb. Yəni neft ucuzlaşdığından Küveyt dövləti gəlirinin 60%-ni itirib. Novator.az xəbər verir ki, bunu Küveyt əmiri Şeyx Sabah əl-Əhməd əl-Cabir əs-Sabah oktyabrın 27-də parlamentdə açıqlayıb.
Küveyt əmiri bildirib ki, belə bir vəziyyətdə iqtisadi islahatlar aparılmalı, dövlət xərcləri azaldılmalı, qısa vaxtda fövqəladə tədbirlər görülməlidir.
2015-ci ilin iyulunda Küveyt parlamenti son 16 ildə ilk dəfə olaraq 2016-cı ilin dövlət büdcə layihəsini 23 milyard 200 milyon dollar kəsirlə qəbul edib. Buna səbəb neftin ucuzlaşmasıdır.
Küveytin əsas gəliri neft ixracatındandır. Amma 548 milyard dollar ehtiyatı olduğuna görə neftin ucuzlaşması bu ölkədə kəskin böhran təhlükəsi yaratmır.
