Mühafizəkar sağlar Polşada hakimiyyəti götürür
Mühafizəkar sağları birləşdirən Hüquq və Ədalət Partiyası Polşada oktyabrın 25-də keçirilmiş parlament seçkisində qalib gəlib. Transparency.az xəbər verir ki, rəsmi olmayan ilkin nəticələrə görə, Hüquq və Ədalət Partiyası 39,1% səslə 460 yerlik Seymdə (parlamentin aşağı palatası) 242 mandata sahib çıxıb. 8 ildir hakimiyyətdə olan Vətəndaş Platforması Partiyası 23,4% səslə ikinci yerlə kifayətlənib.
Hüquq və Ədalət Partiyasına 2010-cu ilin aprelində təyyarə qəzasında həlak olmuş mərhum prezident Lex Kaçinskinin əkiz qardaşı Yaroslav Kaçinski rəhbərlik edir. 66 yaşlı Yaroslav Kaçinski hüquq doktorudur, 2006-2007-ci illərdə Polşa hökumətinə rəhbərlik edib.
Hüquq və Ədalət Partiyasının baş nazirliyə namizədi xanım Beata Şidlodur.
