“Facebook”un qiyməti artıb
“Facebook” sosial şəbəkəsinin səhmlərinin qiyməti artıb. Novator.az xəbər verir ki, Nyu-York birjasında “Facebook”un bir ədədinin qiyməti ilk dəfə olaraq 100 ABŞ dollarını keçib.
Bu ilin iyulunda sosial şəbəkənin bir səhminin dəyəri 100 dollara çatsa da, bu həddi keçə bilməmişdi.
“Facebook” səhmlərini Nyu-York birjasında 2012-ci ilin mayından yerləşdirib. Həmin vaxt şirkətə 104 milyard dollar qiymət qoyulmuşdu, yəni “Facebook”un bir səhminin dəyəri 38 dollar idi.
2012-ci ilin sentyabrından sosial şəbəkənin səhmləri 451% bahalaşıb.
“Facebook” hazırda dünyada 7-ci böyük şirkətdir.
