Yeni layihə: Rusiya və Ermənistan birgə müdafiə sistemi yarada bilər
Rusiya hökuməti prezident Vladimir Putinə Ermənistanla hava hücumundan birgə müdafiə sisteminin yaradılması haqda saziş imzalamağı təklif edəcək. Novator.az xəbər verir ki, Rusiya hökumətinin Nazirlər Kabinetinin rəsmi saytında açıqlanan qərarlarında bununla bağlı layihənin qəbul olunduğu bildirilir.
MDB Müdafiə Nazirləri Şurası yanında hava hücumundan müdafiə məsələlərini əlaqələndirən komitə Qafqaz, Mərkəzi Asiya və Şərqi Avropa istiqamətlərinin hər biri üzrə kollektiv təhlükəsizlik sistemləri yaradılmasını razılaşdırıb.
MDB-yə Qazaxıstan, Azərbaycan, Ermənistan, Belarus, Qırğızıstan, Rusiya, Tacikistan, Özbəkistan, Moldova, Türkmənistan və Ukrayna daxildir.
