Bəşər Əsəd Moskvada – FOTOLAR
Suriya prezidenti Bəşər Əsəd oktyabrın 20-də Rusiyaya işgüzar səfər edib. Novator.az xəbər verir ki, oktyabrın 21-də Rusiya prezidentinin mətbuat katibi Dmitri Peskov səfər zamanı Bəşər Əsədin Rusiya prezidenti Vladimir Putinlə təkbətək və geniş tərkibdə görüşlər keçirdiyini açıqlayıb. Məlumat görə, Bəşər Əsəd Vladimir Putini Suriyadakı vəziyyət və hökumət qoşunlarının planları haqda məlumatlandırıb.
Bəşər Əsəd 2000-ci ildən prezidentdir. Suriyada 2011-ci ilin mart ayında onun hakimiyyətdən getməsi tələbi ilə başlayan aksiyalar sonradan vətəndaş müharibəsinə çevrilib. İndiyəcən on minlərlə insan qurban gedib.
2015-ci ilin oktyabrında Vladimir Putin bildirib ki, Rusiyanın Xəzər dənizindəki hərbi gəmiləri İŞİD-in Suriyadakı obyektlərini atəşə tutub. Putin deyib ki, bunu Rusiyadan Suriya hakimiyyəti xahiş edib.
