Yaponların dördayaqlı robotu
Almaniyada keçirilən “IROS-2015” konfransında yaponlar dördayaqlı yığcam robot təqdim ediblər. Novator. az xəbər verir ki, Yaponiyanın Tiba şəhərinin Texnologiya İnstitutunda hazırlanmış robot “QRoSS” adlanır. Çəkisi 2,5 kiloqram olan robotun diametri 30 santimetrdir. O, yıxılanda amortizasiyası işə düşür. Robot düz xətt üzərində diyirlənə bilir. “QRoSS” saniyədə 0,1 metr sürətlə hərəkət edə və 0,6 metr sürətlə diyirlənə bilir.
Mütəxəssislərin fikrincə, “QRoSS” tipli robotlardan gələcəkdə fövqəladə vəziyyət zonalarında axtarış-xilasedici əməliyyatlar zamanı istifadə etmək olar.
