“Viber” mesenceri serverini Rusiyaya köçürüb
Smartfonlarda pulsuz danışığa imkan yaradan populyar “Viber” mesenceri serverini Rusiya ərazisinə köçürüb. Novator.az xəbər verir ki, bu köçürülməni Rusiyanın rabitə və informasiya texnologiyalarına nəzarət edən dövlət komitəsi həyata keçirib. Komitə “Fərdi məlumatlar haqqında” qanuna əsaslanıb.
“ViberMedia”nın Moskvadakı təmsilçisi Yelena Qraçova deyib ki, qanun telefon nömrələrinin, login və istifadəçi parollarının toplandığı məlumat bazasının Rusiyada saxlanmasını tələb edir. O bildirib ki, ismarışlar xidmət istifadəçilərinin qurğularında saxlanır.
Bundan əvvəl bildirilmişdi ki, “Apple” şirkəti də rusiyalılara aid məlumatların bazasını Rusiyaya köçürür.
Rusiyada bu yaxınlarda qəbul edilmiş qanuna görə, internet mesencerlərinin istehsalçıları öz istifadəçilərinin identifikasiyasını həyata keçirməlidir.
