“Facebook” vəd verir: istifadəçi izlənəndə xəbərdar ediləcək
“Facebook” şirkəti bəyan edib ki, xüsusi xidmət orqanları bu sosial şəbəkədə istifadəçilərin hesabını sındırmaq istədikdə şirkət onları (istifadəçiləri) xəbərdar edəcək.
Novator.az-ın məlumatına görə, sosial şəbəkənin rəsmi bloqunda belə yazılıb. Qeyd olunub ki, “Facebook” şirkəti istifadəçilərin hesablarını qorumaq üçün bütün tədbirləri görür: “İstifadəçi hesabının dövlətdən maliyyələşən şəxslərin hücumuna məruz qaldığı barədə şübhə yarandıqda şəbəkə əlavə xəbərdarlıq göndərmək niyyətindədir. Bunu ona görə edirik ki, belə hücumlar təhlükəlidir. Biz qeydiyyat prosesində təhlükəsizliyi təmin etmək üçün istifadəçiləri xəbərdar edəcəyik”.
