Cinayət haqda xəbər verən küçə fənərləri
ABŞ-ın “GE Lightning” şirkəti küçə fənərlərinə quraşdırılan yeni sistem – “ShotSpotter” hazırlayıb. Novator.az xəbər verir ki, yeni sistem atəş səslərini müəyyən etməyə, hətta bu haqda “911” xidmətinə məlumat ötürməyə qadirdir.
Hazırda ABŞ-ın San-Diyeqo və Ceksonvill şəhərlərinin küçə işıqlarında bu “ağıllı” sistem işləyir. Yeni sistemin quraşdırıldığı küçə fənərləri şəhərin ümumi səs-küyündə odlu silahdan açılan atəşin səsini avtomobil və fişəng səslərindən ayıra bilir.
Sistem nəqliyyatın hərəkəti, maşınlar üçün boş dayanacaq yerləri və havanın hərarəti haqda da məlumatlar verir.
