Seksual zorakılığa məruz qalan kişilər üçün mərkəz
İsveçdə dünyada ilk dəfə olaraq seksual zorakılığa məruz qalmış kişilər üçün mərkəz açılır.
Novator.az xəbər verir ki, hazırda İsveçdə “Södersjukhuset” hospitalı nəzdində seksual zorakılığa məruz qalmış qadınlara yardım edən poliklinika fəaliyyət göstərir. Poliklinika bütün sutka boyu işləyir və il ərzində bu tibb müəssisəsinə 600-700 müraciət daxil olur.
Seksual zorakılığa məruz qalan kişilər üçün mərkəzin açılması gender bərabərliyini təmin etmiş olacaq.
2014-cü ildə İsveçdə kişilərə qarşı seksual xarakterli 370 zorakılıq faktı qeydə alınıb. Amma real zorakılıqların bundan çox olduğu ehtimal edilir.
2014-cü ildə aparılan araşdırmalar göstərib ki, seksual zorakılığa məruz qalan kişilər hara müraciət edəcəklərini bilmirlər.
İsveç qanunvericiliyinə görə, bir şəxs öz qurbanını bir neçə dəfə seksual zorakılığa məruz qoyubsa, ona bir yox, bir neçə ittiham irəli sürülür.
