Lukaşenko rəsmən qalib oldu
Oktyabrın 16-da Belarus Mərkəzi Seçki Komissiyası beş gün əvvəl keçirilmiş prezident seçkisində dövlət başçısı Aleksandr Lukaşenkonun 83,5% səs çoxluğu ilə qalib gəldiyini bəyan edib.
Novator.az xəbər verir ki, MSK-nın yekun protokoluna əsasən, Lukaşenkoya 5 milyon 102 min 478 seçici səs verib.
60 yaşlı Lukaşenko 1994-cü ildən prezident kürsüsünü tutur. İlk dəfə 5 il müddətinə seçilən Lukaşenko 1996-cı il referendumu ilə səlahiyyət müddətini 2001-ci ilədək uzadıb. 2001-ci ildə o, ikinci dəfə prezident kürsüsünə yiyələnib. 2004-cü il referendumunda iki dəfədən çox prezident seçilməyə məhdudiyyət götürüldüyündən Lukaşenko 2006 və 2010-cu illərdə də dövlət başçısı seçilib.
