Bakı-Sumqayıt elektrik qatarlarının hərəkət cədvəlində dəyişiklik
Oktyabrın 18-dən etibarən Bakı-Sumqayıt marşrutu ilə hərəkət edən elektrik qatarlarının hərəkət cədvəlində dəyişiklik ediləcək.
“Azərbaycan Dəmir Yolları” QSC-dən AZƏRTAC-a bildirilib ki, son vaxtlar artan sərnişin sıxlığını və sərnişinlərin təkliflərini nəzərə alaraq, Bakı-Sumqayıt marşrutu ilə hərəkət edən elektrik qatarlarının intensivliyi artırılıb, reyslər arasındakı intervallar azaldılıb. Elektrik qatarları gün ərzində 20 reys edəcəklər: 10-u Bakı sərnişin stansiyasından Sumqayıt sərnişin stansiyasına, digər 10-u isə əks istiqamətə.
Oktyabrın 18-dən etibarən Bakı-Sumqayıt elektrik qatarları Bakı sərnişin stansiyasından saat 05:00, 05:20, 05:35, 05:50, 08:30, 16: 00, 17:35, 18:30, 19:00 və 19:50-də, Sumqayıt sərnişin stansiyasından 07:00, 07:30, 07.45, 08: 00, 09:30, 17:10, 18:40, 20:00, 20:50 və 21.20-də yola düşəcək.
Hər şənbə, bazar və bayram günləri, sərnişin sıxlığı az olduğuna görə, Baki sərnişin stansiyasından saat 05:00-da və 05:20-də, Sumqayıt sərnişin stansiyasından isə saat 07:00-da və 07:30-da yola düşən elektrik qatarları hərəkətdə olmayacaq.
Sərnişin sıxlığı ilə bağlı Bakı-Sumqayıt marşrutu ilə hərəkət edən elektrik qatarlarının hərəkət cədvəlində dəyişikliklər olduqca KİV vasitəsilə vətəndaşlara məlumat veriləcək.
| Qatar №-si | Bakıdan getmə vaxtı | İstiqamət | Sumqayıt-sərn. çatma vaxtı | Qatar №-si | Sumqayıt-sərn. getmə vaxtı | İstiqamət | Bakıya çatma vaxtı | |
| 6001 | 5-00 | Bakı-Sumqayıt-sərn. | 5-48 | 6002 | 7-00 | Sumqayıt-sərn.-Bakı | 7-48 | |
| 6003 | 5-20 | Bakı-Sumqayıt-sərn. | 6-08 | 6004 | 7-30 | Sumqayıt-sərn.-Bakı | 8-18 | |
| 6005 | 5-35 | Bakı-Sumqayıt-sərn. | 6-23 | 6006 | 7-45 | Sumqayıt-sərn.-Bakı | 8-33 | |
| 6007 | 5-50 | Bakı-Sumqayıt-sərn. | 6-38 | 6008 | 8-00 | Sumqayıt-sərn.-Bakı | 8-48 | |
| 6009 | 8-30 | Bakı-Sumqayıt-sərn. | 9-18 | 6010 | 9-30 | Sumqayıt-sərn.-Bakı | 10-18 | |
| 6011 | 16-00 | Bakı-Sumqayıt-sərn. | 16-48 | 6012 | 17-10 | Sumqayıt-sərn.-Bakı | 17-58 | |
| 6013 | 17-35 | Bakı-Sumqayıt-sərn. | 18-23 | 6014 | 18-40 | Sumqayıt-sərn.-Bakı | 19-28 | |
| 6015 | 18-30 | Bakı-Sumqayıt-sərn. | 19-18 | 6016 | 20-00 | Sumqayıt-sərn.-Bakı | 20-48 | |
| 6017 | 19-00 | Bakı-Sumqayıt-sərn. | 19-48 | 6018 | 20-50 | Sumqayıt-sərn.-Bakı | 21-38 | |
| 6019 | 19-50 | Bakı-Sumqayıt-sərn. | 20-38 | 6020 | 21-20 | Sumqayıt-sərn.-Bakı | 22-08 |
