“AGBank” da şəxsi seyf
“AGBank” istifadəçilərinə yeni xidmət növünü təklif edir. Bank seyflərindən istifadə etmək istəyən hər bir müştəri “AGBank” da bu yeni xidmətdən yararlana biləcək.
Bankın yaydığı məlumata görə, ölçü və qiymətlərinə görə fərqlənən seyflər 5 kateqoriyaya bölünür. Seyflərin mühafizəsi ən son təhlükəsizlik və qorunma texnologiyalarına etibar edilib. Belə ki, seyf otağı xüsusi olaraq nəzərdə tutulmuş həyəcan siqnalları, hərəkət və titrəmə detektorları ilə mühafizə olunur.
Bundan əlavə, seyf otağının giriş qapısı yüksək qorunma kateqoriyasına aiddir və barmaq izinin oxunması funksiyası ilə təchiz edilib. Seyf qutuları qiymətli metallar, daş-qaşlar, valyuta, vacib sənədlərin istər əsli, istərsə elektron daşıyıcıda elektron versiyasını və digər əşyaları mühafizə edə biləcək ən etibarlı yerdir. Hər bir qutunun iki açarı var və onlardan istifadə hüququ yalnız sahibinə məxsusdur.
