“Twitter” iş yerlərinin 8 faizini ixtisar edir
“Twitter” şirkəti doqquzillik fəaliyyəti dövründə iş yerlərinin ilk böyük ixtisarını planlaşdırır.
Şirkət 4100 əməkdaşın 336 nəfərinin işdən azad edilməsini nəzərdə tutur, bu da ümumi ştatın 8%-nə bərabərdir. İxtisarların aparılması elan edildikdən sonra şirkətin səhmləri 5,4 faiz bahalaşıb. “Twitter” ixtisara düşənlərin hamısına yeni iş tapmaqda yardımçı olacaq. Məlumata görə, şirkət strukturun yenidən qurulmasına 5-15 milyon dollar xərcləyəcək.
İxtisarlar şirkətin effektivliyini artırmaq məqsədilə həyata keçiriləcək.
2006-cı ildə təsis edilən “Twitter” şəbəkəsindən hazırda 35-dən çox dildə istifadə mümkündür. Aktiv istifadəçilərin sayı 316 milyona yaxındır.
Xəbəri Mincom.gov.az saytı “Qazeta.ru”ya istinadla yayıb.
