Rusiyadan Qarabağ açıqlaması
Rusiya Xarici İşlər Nazirliyinin sözçüsü Mariya Zaxarova oktyabrın 14-də Qarabağ münaqişəsiylə bağlı açıqlama verib.
Novator.az-ın məlumatına görə, Mariya Zaxarova bildirib ki, Moskva münaqişə tərəflərini kompromis əldə olunması üçün güc tətbiqindən imtinaya və siyasi iradə nümayiş etdirməyə çağırır.
Mariya Zaxarova qeyd edib ki, münaqişə zonasında vəziyyətin gərginləşməsi, itkilərin sayının artması siyasi dialoqun bərpasını çətinləşdirir: “Biz hesab edirik ki, gərginliyin bundan o yana artması yolverilməzdir. Kompromis əldə etmək üçün tərəfləri güc işlətməkdən imtinaya, siyasi iradə göstərməyə çağırırıq”.
Ermənistan ordusu 1991-1993-cü illərdə Azərbaycanın bütün cənub-qərb bölgəsini işğal edib. 1994-cü ildə atəşkəs sazişi imzalanıb. O vaxtdan ATƏT-in Minsk qrupunun vasitəçiliyi ilə aparılan sülh danışıqları bir qarış Azərbaycan torpağının azad edilməsinə gətirməyib.
Minsk qrupunun 11 üzvü var: Rusiya, Fransa, ABŞ (hər üçü həmsədr), Belarus, Almaniya, İtaliya, İsveç, Finlandiya, Türkiyə, Ermənistan, Azərbaycan.
