İsveç neft və qazdan imtina edir
İsveç hökuməti ölkənin neft və qazın istifadəsindən imtina etməyə hazır olduğunu bəyan edib. Novator.az xəbər verir ki, baş nazir Stefan Lyoven BMT Baş Assambleyasının iclasında İsveç hökumətinin günəş və külək elektrostansiyalarının quraşdırılmasına sərf olunacaq xərcləri 1 milyard ABŞ dolları artırmaq üçün iş apardığını deyib.
Bundan başqa İsveç hökuməti elektrik enerjisinin saxlanması və ekoloji nəqliyyatın alınması üzrə xüsusi proqram həyata keçirməyə hazırlaşır. Ayrılan 1 milyard dollar enerjinin saxlanması sahəsindəki tədqiqatlara da sərf olunacaq.
