Ağstafada məişət zorakılığına qarşı maarifləndirmə tədbiri keçirilib
Ağstafa şəhərindəki Heydər Əliyev Mərkəzində Azərbaycan Respublikasının prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Gəncə Regional Qadın Mərkəzi İctimai Birliyi tərəfindən “Gücümüz birliyimizdədir” məişət zorakılığına qarşı maarifləndirmə tədbirlərinin təşkili mövzusunda tədbir keçirilib.
Tədbirdə Ağstafa Rayon İcra Hakimiyyətinin, hüquq mühafizə orqanlarının nümayəndələri, idarə, müəssisə, təşkilat rəhbərləri və yerli bələdiyyə sədrləri iştirak ediblər.
AZƏRTAC xəbər verir ki, tədbirdə Gəncə Regional Qadın Mərkəzi İctimai Birliyinin sədri Məleykə Əlizadə “Məişət zorakılığının qarşısının alınması haqqında” Azərbaycan Respublikası Qanununun tətbiq edilməsi barədə Azərbaycan Respublikası prezidentinin 2010-cu il 1 oktyabr tarixli Fərmanı barədə ətraflı məlumat verib.
Sonra mövzu ətrafında geniş müzakirələr aparılıb, tədbir iştirakçılarının sualları cavablandırılıb.
