“Boinq-777”in Rusiya istehsalı olan raketlə məhv edildiyi təsdiqləndi
Beynəlxalq ekspertlərin 2014-cü ilin iyulun 17-də Ukraynanın Donetsk vilayətində yerə düşmüş “Boinq-777” sərnişin təyyarəsi ilə bağlı yekun rəyi açıqlanıb. Novator.az xəbər verir ki, oktyabrın 13-də Niderland Təhlükəsizlik Şurasının açıqladığı rəydə təyyarənin Rusiya istehsalı olan “Buk” zenit-raket kompleksi ilə vurulduğu bəyan edilir.
Niderland mütəxəssisləri “Boinq”in hissələrini bərpa edib və məlum olub ki, raket təyyarəyə pilot kabinəsinin sol tərəfindən dəyib və bundan sonra layner ikiyə bölünüb.
Amsterdam-Kuala-Lumpur reysi ilə uçan “Boinq-777” Donetsk vilayətinin Rusiyadan dəstəklənən separatçıların əlində olan hissəsində vurulub. “Malaysia Airlines” şirkətinə məxsus təyyarədəki 298 nəfərin hamısı həlak olub. Onların böyük əksəriyyəti Niderland vətəndaşı olduğundan araşdırma bu ölkəyə həvalə edilib.
