Beynəlxalq Bankda İslam bankçılığı departamenti ləğv olunub
Azərbaycan Beynəlxalq Bankında (ABB) İslam bankçılığı departamenti ləğv olunub.
Trend-in məlumatına görə, ABB-nin mətbuat xidmətinin rəhbəri Yadigar Cəfərli islam bankçılığı departamentinin ləğv olunması barədə məlumatı təsdiqləyib.
Y.Cəfərli bu addımın ABB-də həyata keçirilən struktur dəyişiklikləri çərçivəsində atıldığını bildirib. Onun sözlərinə görə, xarici maliyyə qurumları ilə islam bankçılığı istiqamətində bağlanmış sazişlər, bankın bu sahədə öhdəlikləri qüvvəsində qalır. Eyni zamanda, bu istiqamətdə həyata keçirilən layihələr də davam etdirilir.
İslam bankçılığı sahəsində çalışmış işçilərə gəlincə, Y.Cəfərli funksional bölgüyə uyğun şəkildə mütəxəssislərin öz fəaliyyətlərinə davam etdiklərini söyləyib.
