Ankarada terror
Oktyabrın 10-da Türkiyə paytaxtı Ankarada dəmiryol stansiyası yaxınlığındakı yol qovşağının altında, nümayiş zamanı terror törədilib. Partlayışların iki terrorçu kamikadze tərəfindən törədildiyi bildirilir.
Hökumət Ankaradakı partlayışlar da daxil olmaqla son aylar törədilən terror aktları nəticəsində çox sayda hərbçilərin və polislərin şəhid olması və mülkü insanların həyatını itirməsi ilə bağlı ölkədə üç günlük matəm elan edib.
Terror nəticəsində 95 nəfər həlak olub. Xəsarət alanlardan 48 nəfəri ağır olmaqla 246 nəfər müxtəlif xəstəxanalarda müalicə olunmaqdadır. Bildirilir ki, həlak olanlardan 52 nəfərin şəxsiyyəti müəyyənləşib.
