Ən az namizəd hansı dairələrdə qeydə alınıb?
Noyabrın 1-də 125 dairə üzrə keçiriləcək deputat seçkilərində 1200-dən çox namizəd mübarizə aparır. Hər dairəyə orta hesabla 10 namizəd düşür.
Transparency.az qeyd edir ki, ən az namizəd 1 saylı Şərur-Sədərək və 2 saylı Şərur dairələrində qeydə alınıb. Bu dairələrin hər birində deputat mandatı uğrunda 3 namizəd mübarizə aparır.
5 saylı Şahbuz-Babək və 7 saylı Ordubad-Culfa dairələrində isə 4 nəfərin namizədliyi qeydiyyata alınıb.
Yerdə qalan dairələr içində ən az namizəd 14 saylı Xəzər dairəsinə düşüb. Bu dairədə deputatlığa 5 namizəd var.
